20–28 тамыз аралығында Жақсылық Үшкемпіров атындағы жекпе-жек сарайында пара спортшылар арасында боччадан халықаралық турнир өтеді.
Жарысқа 12 елден 56-ға жуық спортшы қатысады. Бағдарламада жекелей, жұптық және командалық сайыстар қарастырылған.
Елорда атынан Қазақстан намысын қорғайтын спортшылар:
- Итиана Керимовна
- Ерхат Алматұлы
Олар жекелей және командалық бәсекелерде өнер көрсетеді.
Аталған турнир 2028 жылғы Лос-Анджелес Паралимпиадасына іріктеу кезеңі болып табылады. Сонымен қатар, спортшыларға рейтингтік ұпайлар жинауға мүмкіндік береді.
Айта кетейік, бочча елімізде 2018 жылы тірек-қимыл жүйесі бұзылған балалардың ата-аналарының бастамасымен дами бастады. 2021 жылы Қазақстан бочча федерациясы құрылып, спорт ресми деңгейге көтерілді.
Баршаңызды жарысқа келіп, жерлестерімізге қолдау көрсетуге шақырамыз.
Келіп, жерлестерімізге қолдау көрсетейік!
